Bizitegi-proiektua, Tashkent-en, Uzbekistanen, 108.000 m²

Ankhor proiektua Uzbekistanen, 108.000 m²-ko urbanizazio batean oinarritzen da, zeina lorategiz hornitutako ekoparke batean dagoen. Diseinua bisualki eta kontzeptualki batzen da, nortasun argi bat eskainita, bereizgarri duen elementu jarraitu baten bidez: lorategi bihurtutako estalki bat bizitegi-multzo osoan zehar dagoena. Antolakuntza arkitektoniko horizontal eta dinamikoa duten fatxadek –zenbait patio hutsek nabarmendutakoek– batasun morfologikoa lortzen dute.

DISEINU EKOLOGIKOA
Bizitegia arkitektura bioklimatikoaren hastapenen arabera antolatzen da. Hiru solairu ditu hegoaldean eta progresiboki garatuko diren 8 solairu iparraldean, egun-argiari onura gehien ateratzeko eta eguzkiaren argitasuna irabazteko neguan. Diseinua printzipio hauetan oinarritzen da: iraunkortasuna, energia-eraginkortasuna, diseinu pasiboa, hondakinen kontrola eta ustiapena eta ekologia.

Kanpoko paretan ekodiseinuko elementu pasiboak erabiltzeak eraikinen autorregulazio termala eta funtzionamendua hobetzen du -5°C-tik +40°C-ra doazen tenperatura-eskalatan, Tashkent hirian gertatu ohi den bezala.

GELA UNITATEA ETA BIOKLIMATIKA
Gelen garapenak kalitate handiko apartamentuak hornitzen ditu, bizitza-estilo onuragarri eta iraunkor baten parte gisa, eta komunitate-izaera ematen die bertako egoiliarrei. Unitate guztiak daude lorategia duten gune irekietara begira, egun-argiari onura gehien ateratzeko, baita aireztatze gurutzatu eraginkorra lortzeko ere. Unitateak barne-negutegien (winter-garden) inguruan diseinatu dira, barruko patioguneak eratzen (3 motatakoak) eta etxeko espazioa banatzen dutenak.

Lankidetza ©Llewelyn Davies architects-rekin (www.ldavies.com) eta Ken Yeang-rekin (www.kenyeang.com), Londres